Centro di Bario Noord ta un di e prome Centronan di Bario aki na Aruba, cu un historia largo Centro di Bario Noord ta wordo hopi bishita y ta conoci pa su actividadnan durante carnaval, riba dianan nacional y campamento pa nos muchanan. Centro di Bario tin un historia diverso cu ta enfoca den engrandece nos cultura y traspasa conocemento di antes pa e generacionnan nobo di nan bario. Residentenan di Noord ta participa regularmente y ta apoya Centro di Bario Noord durante tur temporada. Centro di Bario Noord conhuntamente cu residentenan di Noord ta trece e Zjeitu Carnavalesco pa pueblo di Aruba den temporada di Carnaval, asina demostrando nan esfuerso y dedicacion pa conserva tradicionan cultural y carnavalesco na Aruba.
Den tur temporada Centro di Bario Noord ta trece actividadnan y projectonan pa personanan di tur edad, enfatisando nan rol como un centro cu ta fomenta desaroyo y conexion. Na Centro di Bario Noord por encontra projecto, actividadnan y lesnan den diferente areanan manera; pintura, fotografia, domino, ahedres, deporte y movecion, y desaroyo personal. Centro di Bario Noord su meta pa trece esakinan no solamente pa residentenan di Noord pero pa pueblo di Aruba completo, conectando y creando oportunidadnan pa tur edad y interes.
Un caminda unda tur mucha, hoben, adulto y adultonan mayor por bini hunto y crece como un bario.
Tuma contacto cu Centro di Bario Noord y participa awe na tur actividad cu Centro di Bario Noord tin di ofrece:
Ligia Croes - Roza: 5943491 Noord 74 |